FITXA TEKNIKOA

Proiektuaren egileak: Oscar Mongay, Maite Mariezcurrena, Javier Barcos eta Manuel Enríquez
Sustatzailea: Construcciones CM
P.E.M.: 333.058 euro
Eraikitako nabearen azalera: 1.489,22 m2
Urbanizazioaren azalera: 3.256,56 m2
Amaiera-data: 1996ko maiatza
Kokalekua: Doneztebe (Nafarroa)
Obraren zuzendaritza: Oscar Mongay, Maite Mariezcurrena, Javier Barcos eta Manuel Enríquez

Proiektua batez ere biltegi moduan erabiltzeko pabilioi bat eraikitzeko eta sailaren gainerako zatia enpresarekin –batez ere obra publikoan zentratzen da– zerikusia duten lanak egiteko gaitzeko zegoen beharretik sortu zen.

Hartutako konponbidearen abiapuntua zeregin mota eta bete behar dituen baldintzak izan ziren, funtsean erabiltzen den makinaria astuna dela-eta irisgarritasunari eta maniobragarritasunari dagokionez.
Orubea bitan banatuta dago: zati batean pabiloia estalia dago, itxia, material eta makinen biltegia da; eta bestea libre, irekia uzten da, maniobragarritasuna ahalbidetzen du eta erabilera nagusiarekin zerikusia duten lanak bertan egiten dira: hormen armatuentzako burdina manipulatzea, kofratuentzako zura manipulatzea, etab.

30x48m-ko pabilioia gainerako poligono industrialagotik hurbilago dagoen eremuan kokatuta dago. Era horretan, gisa honetako eraikin batek sortzen duen inpaktu bisuala minimizatu nahi da Doneztebeko hirigunetik Elgorriagako errepiderantz ateratzerakoan Mendaurren ikuspegiak baitaude.

Nabea hormarte bakarreko eraikin baten moduan diseinatu da, 30 m-ko hutsarteak dituzten eta 6,8 m-ko distantziara kokatutako hormigoi aurrefabrikatuzko portikoekin. 10 Tn-ko zubi-garabi bat jartzea ahalbidetuko digu hori baita pabilioiaren erabileraren oinarria. Erdigunetik sartuko da eta biltegia bi aldeetan egongo da.

Zabalera eta altuera horiek proposatzen dira obra publikoetan erabiltzen diren makina handiak barruan maniobratu ahal izateko. Posible izan behar da 18m inguruko luzera duen kamioi gondola bat sartzea eta haren gainean makina astunak kargatu eta deskargatzea. Horrek 7,5m-ko altuera librea duen zubi-garabi bat jartzera behartzen gaitu.

Pabilioian sarrera propioa duen espazio bat ezberdintzen da. Bertan, makinak konpontzeko hobi bat eraikiko da, era horretan enpresak Elgorriagara doan errepidearen beste aldean duen tailerra osatzeko. Eremu hau esparru ezberdinak bereiziko dituen fabrikaren gorazko zabaltze batekin ixten da, baina beti zubi-garabiaren erabilera ahalbidetu beharko du. Halaber, bainugelen eremu bikoitz bat kokatu da, bat biltegitik sartzeko eta bestea hobiaren eremutik.

Orubearen gainerako eremua osotara zolatzea proposatu da erdigunean estalitako bi albo markesinen bidez eutsiko dena. Haietako batek pabilioi estaliari jarraikortasuna ematen dio eta ferralla manipulatzeko erabiliko dela aurreikusten da, eta bestea itxitura lateralarekiko paraleloa da eta zura eta kofratuak lehor mantetzeko erabiliko dela aurreikusten da.