FITXA TEKNIKOA

Proiektuaren egileak: Javier Barcos eta D. Manuel Enriquez
Sustatzailea: Proiektu Estrategikoen eta Obren Alorra
Adjudikazioaren zenbatekoa: 2.023.467,40 euro
Hasiera-data: 2.005eko azaroa
Amaiera-data: 2.007ko urtarrila
Kokalekua: Azpilagaina auzoa (Iruña)
Obraren zuzendaritza: Javier Barcos, Manuel Enriquez eta Jesús Armendáriz

Lehenengo jarduketa orubean zeuden elementu guztiak eraistea izan zen. Ondoren, eremua garbitu zen eta orubea induskatu zen hormigoizko horma aurrefabrikatua zimentatzeko balio duen harroinaren kota altuena lortu arte. Une horretan, harroinen kokapena berriro planteatu egin zen. Harroin isolatuen eta hormen kasuan pilareak altxatu ziren. Kofratua kofratu-taula ez ikusien bidez eta pilareen kasuan xaflazko taulen bidez egin zen. Pilareak eta hormak egin ondoren, forjatu sanitarioa kofratu zen habexka erdisendo eta hormigoizko gangatillen bidez. Forjatu sanitarioaren kamarak instalazioak bertatik egiteko balio du, izan ere, zoru erradiatzailearen instalazioak ez du sareak lurretik bideratzen uzten. Sareak forjatu sanitarioa amaitu ondoren egiten hasi zen. Beheko soilairuko sabaiaren egitura bi sistemen bidez gauzatu zen: hormigoizko egitura eta metalezko egitura.

Egitura jarri ondoren, estalkia jarri zen. Hurrengo eragiketan eraikina itxi zen. Beirazko arotzeriatik hasi zen, aldez aurretik jarri zen azpiegitura metalikoaren gainean bermatu zena, poliuretanoko zigilatu elastikoa gauzatuz. Gero, itxituraren lehenengo ilarak jaso ziren. Eragiketa hori amaitutakoan, zementu hidrofugoz egindako morteroarekin zarpiatua gauzatu zen, zeina kartoi-igeltsozko trasdosatuaren oinarria izango den.